Allschwiler Fasnacht 2018

Motto: "Allschwil pfyfft uf dDänggmoolpfläg"


Download
Programm Allschwiler Fasnacht
A3-Allschwiler-Fasnacht_2018.pdf
Adobe Acrobat Dokument 2.4 MB

Prolog Fasnachtsplaggedde 2018 Motto: „Allschwil pfyfft uf d‘Dänggmoolpflääg“ Me duet im Dorf scho lang verzelle D‘Turnhalle Gartestross isch unter Schutz doch z‘stelle Au d’Dänggmoolpflääg seit Johr für Johr: „Dä Bau isch schutzwürdig, das isch wohr.“ Doch bald wird d’Todesglogge lüte Das wird für d’Turnhalle denn bedüte Nach 90 Johr muess dä Prachtsbau wyche Als überzählig, nutzlos isch är im Inventar denn z‘stryche. Alt-Allschwil, mir dien däm nochetruure Hän johrzähnte lang gfeschtet in däne Muure Vieli Verein hän Johresfyre duuregfiert Si hän Theater gspielt, s’hett eim ganz griert Au für d’Gmeindsversammlig isch ufbote worde S’Stimmvolk isch cho, je nach Gschäft, in Horde In dr legendäre Bar, im Chäller unte Hän sich d’Fasnächtler zämme gfunde Me hett mit Masgge tanzt, in jedem Fall Am traditionelle WVC-Cherusball Mit schwanggende Bei hesch d‘Bar verloh Dr Schädel brummt, aber du bisch doch froh Und hesch dr gseid:“Es isch ä so Au s’nächscht Johr wird ich wieder cho.“ Und jetzt, jetzt wird die Volkshalle abegrisse Für d’Allschwiler Fasnacht, es isch verschisse Dr Cherusball isch nur no Gschicht Das dien mir feschthalte in däm Bricht Grossi Baggerzähn, s’isch nid zum Lache Dien nach dr Fasnacht däre Halle dr Garus mache Au wenn me dä Bau chönnti schütze Däm nochetruure, das duet nüt me nütze Die Perle, die muess jetzt verschwinde Das isch dr „classe politique“ ihr Befinde Und so wird die Volkshalle, es isch ä so Als schützenswärte Bau in d’Gschicht ygo 06.01.2018 In dr Plaggedde-Sammlig bechunnt si ä Platz Denn für d’Fasnacht blibt die Halle ä Schatz Drum duet uf dr Plaggedde die Alti Dante Zum Piccolo griffe, spontan au handle Si pfyfft ä Truurmarsch, s’tönt grandios „Adie Turnhalle Gartestross.“ Oder macht dr Ywohnerroot ä Spagat? Hett dä dr Muet, au no s’Format? Und duet dä Abbruch revidiere? Dä Sündefall no korrigiere? Hän d’Politiker no Charakter – gopfriedstutz? Und stelle dä Bau ändlig unter Dänggmolschutz? Wenn nit, es wird halt denn so sy Isch‘s mit em Wakkerprys grad au verby. d’Chrutstorze Wildviertel-Clique Allschwil


willst du auch IBW Sympathisantin oder Sympathisant werden?